Меню
Главная страница
О задачах издания
Хроника церковной жизни
Проповеди, статьи
История Церкви
О Катакомбной Церкви
Православное богословие
Православное богослужение
Православная педагогика
Православие и наука
Православная культура, литература
Истинное Православие и апостасия
Истинное Православие и сергианство
Истинное Православие и экуменизм
Апостасия РПЦЗ
Расколы, секты
Жития подвижников благочестия
Православная миссия
Пастырское училище
Фотогалерея
Проповеди-аудио

Поиск


Подписка

Подписаться
Отписаться

Наш баннер

Получить код

Ссылки
Леснинский монастырь

Свято-Успенский приход

Severo-amerikanskaya eparhiya

Pravoslavnoe bogosluzhenie

Serbskaya IPC

Manastir Noviy Steynik


Канон Святителю Антонию Киевскому, Первоначальнику Русския Зарубежныя Церкве



ТРОПАРЬ, глас 4

Церкве Русския изгнанныя первосвятителю, согрешающих исправителю, нравов добрых укоренителю, спострадавый людем паствы твоея, и наставник пастырем предивный явился еси, святителю отче Антоние, моли Христа Бога спастися душам нашим.

Канон, глас 2, егоже краегранесие: Горе любве приступим и поклонимся.

Песнь 1. Ирмос: Грядите людие, поим песнь Христу Богу, раздельшему море и наставльшему люди, яже изведе из работы египетския, яко прославися.

Грядите вернии, песнь во умилении воскликнем святителю великому Антонию, пастырю доброму, душу свою за многия полагавшему.

Отче Антоние, ты от юности благочестие возлюбил еси и вся красная мира сего презрев, на служение Христово уготовал еси душу твою, яко храм Духа Святаго освященный.

Речением евангельским добре последуя, кротость и незлобие от юности храня, еще же и благоговение к дому Божию и усердие преискреннее, сими добродетельми светло украшенный на служение Церкве непорочное поставляешися.

Богородичен: Едина Ты в женах благословенная, едина Ты девство и рождество сочетавшая, едина прибежище еси душ наших по Бозе и спасения нашего Ходатаица непостыдная.

Песнь 3. Ирмос: На камени мя веры утвердив, разширил еси уста моя на враги моя, возвесели бо ся дух мой, внегда пети, несть свят, якоже Бог наш, и несть праведен паче Тебе, Господи.

Любезен Богу и человеком от юности быв, в научении же книжнем паче всех сверстник премудр и искусен, наставник юношей поставляешися и предивный руководитель обрелся еси всем ко служению пастырскому приготовляющимся.

Юже приял еси от Господа любовь нелицемерну, тою и наша сердца возгрей воспевати присно Богу во умилении и исповедании теплом, и ближнему во благое послужити.

Богородичен: Богородице Дево Пресвятая, не презри молитвенник Твоих воздыхания, но посети нас во время благопотребное вседейственным заступлением Твоим.

Седален, глас 2. Не прещением, ни ласкательством грешных души к покаянию пробуждаеши, но состраданием твоим теплым, и познавшии дар твой сей умиления слезы проливают и исправление усердное являют, темже и нам обращение невозвратное даруй и грехов оставлению моли дароватися чтущим святую память твою.

Песнь 4. Ирмос: Пришел еси от Девы не ходатай, ни ангел, но Сам Господи воплощся, и спасл еси всего мя человека, тем зову Ти: слава силе Твоей, Господи.

Воистину пастырь добрый людем твоим явился еси, веру живую и действенную в сердцах возгревая, умиления дар подая и ожесточение сердечное милостивно врачуя.

Единаго Бога Небеснаго бояся, противу крамольник безбожных твердо стал еси обличением огненным и ко пришедшим убити тя без страха воззрев, на бежание тех обратил еси.

Пастырь добрый сый людем твоим многия от братий твоих пастырской мудрости обучил еси, еже сострадати всякому грешному человеку тех наставляя, и друг друга тяготы носити.

Богородичен: Радости нашея вина и спасению Ходатаице, Богородице Пречистая, Тя молим: посети и утеши расточенное стадо Твое.

Песнь 5. Ирмос: Просвещение во тьме лежащих, спасение отчаянных, Христе Спасе мой, к Тебе утреннюю, Царю мира, просвети мя сиянием Твоим, иного бо разве Тебе Бога не знаю.

Исходища водная изведосте очи твои, егда царства православнаго сокрушение зря, верность и любовь к поносимому Самодержцу хранити призывал еси и крамольником противостати твердо.

Со иными многими пастырьми в заточении сый, и тамо служитель Божия слова обретаешися, научаеши грешники теплому исповеданию согрешений своих, сопастыри же наставляеши душевныя недуги человеков со тщанием и кротостью врачевати.

Богородичен: Тобою, Владычице, мир с Богом обретаем, надеждо спасения нашего, теплая Предстательнице нам буди и споручница покаяния нашего.

Песнь 6. Ирмос: В бездне греховней валяяся, неизследную милосердия твоего призываю бездну: от тли, Боже мя возведи.

Утробою о погибели православного отечества болезнуя, оружие христолюбивых воинов в защиту поругаемых святынь благословил еси и вождь духовный тем явился еси, противу безбожных крепко стоя и мученическаго венца желая.

Промышлением Вышняго противу воли твоея на земли сохранен быв, да во изгнании сущую Церковь возглавиши, ейже послужил еси до кончины твоея, яже и чтит тя, первоначальника своего.

Изгнанником русским началовождь явился еси и заветов Руси Святыя хранитель, от соблазнов, пленения и обольщения люди твоя ограждая.

Богородичен: Множество прегрешений моих очисти, Препетая Дево, множеством милости Твоея и пречудным заступлением Твоим.

Кондак, глас 4. Образ верным был еси, духом верою и чистотою, и любовь нелицемерну стяжал еси состраданием к грешным и страждущим, темже молим тя, святителю Антоние, пастырь добрый и нам ныне буди, и ко спасению наставник.

Икос: От юности Христа возлюбившему и дар сострадания падшим стяжавшему пастырю доброму нашему возопиим: радуйся, горо любви нареченный, радуйся, Подвигоположнику твоему подражавый, радуйся, Гефсиманскому страданию с Ним приобщивыйся, радуйся тайну пачеестественныя молитвы Христовы уразумевый, радуйся, души от сна лености возбудивый, радуйся, слезы умиления из потухших очес источивый, радуйся, сердца окамененныя умягчивый, радуйся, к действенному исправлению грешники побудивый, радуйся, Антоние, пастырю наш добрый и ко спасению наставниче.

Стихира по Евангелии, глас 6.

Премудрости наставниче, сострадания исполнение, мужества стено и веры утверждение, любве горо воистину тучная, святителю отче Антоние, молим тя ныне падшии, якоже иногда ученик твой: подаждь нам от елеа твоего, светильницы бо наша угасают, да не постигнет нас тьма кромешняя, но да внидем на брак нетленный, предстательством твоим снабдеваемы.

Песнь 7. Ирмос: Образу златому на поле Деире служиму, трие Твои отроцы небрегоша безбожнаго веления: посреде же огня ввержени орошаеми пояху: благословен еси Боже отец наших.

Истины проповедник и пастырь добрый явился еси, одебелевшия сердца к покаянию обращая и сострадати немощным душею навык, обновление жития подаеши вопиющим: благословен еси, Боже отец наших.

Пастырь добрый явился еси, пред овцы словесными выну ходя и душу за них полагая, темже отверзеся тебе разумение таин Христова смотрения, Емуже взывал еси: благословен еси, Боже отец наших.

Отче Антоние, поспеши в помощь нам, в гордыни и злобах изнемогшим и елей сострадания твоего и нам подаждь вопиющим: благословен еси, Боже отец наших.

Богородичен: Кую Ти похвалу достойную наше принесет неможение, Богородице Пречистая, но и от недостойных устен призывание теплое приими, вопиющих непрестанно: радуйся, Благодатная.

Песнь 8. Ирмос: В пещь огненную ко отроком еврейским снизшедшаго и пламень в росу преложшаго Бога, пойте дела яко Господа, и превозносите во вся веки.

Любве гора по достоянию нареченный, лицемерия же, ласкосердства и человекоугодия всяко непричастен был еси, во страдании бо любы твоя рождается и в скорбех сущим открывается, вопиющим Единому возлюбившему нас даже до смерти: Господа пойте и превозносите во вся веки.

Очи твои потоки слезныя источиша об отечестве твоем и людех твоих, молитвы бо и воздыхания сердечныя принесл еси и безплодныя сердца оросил еси к плодоношению духовному во еже пети: Господа пойте и превозносите во вся веки.

Наставниче покаяния и пастырем учитель быв, кончине приближився, дар умиления стяжал еси и в немощи плоти твоея велия духа сила явися, да ею утешеннии выну поют Господа и превозносят во вся веки.

Богородичен: Изми нас, Пречистая из челюстей духа злобы и от сетей его покрый, изнемогших в страстех и скверных помышлениих, да умиленным сердцем выну зовем: Господа пойте и превозносите во вся веки.

Песнь 9. Ирмос: Безначальна Родителя Сын Бог и Господь, воплощся от Девы нам явися, омраченныя просветити , собрати расточенная: тем всепетую Богородицу величаем.

Молитвою твоею, отче Антоние, еще на земли сый, оляденевшия сердца ко Господу обращал еси, темже и ныне ходатайства твоего просим, память твою чтущии верно.

Смерти крепчае любы твоя бысть, Бога бо возлюбил еси всею душею и крепостию твоею и ближняго твоего, яко сам себе и множае паче себе, темже и ныне учреждаемся от трапезы духовныя писаний твоих и в памяти твоей светло празднуем.

Богородичен: Явилася еси всем грешным предстательница и Ходатаице непостыдная, прибегающим к Тебе, Пречистая Дево и тепле прощение согрешений испрошающим.

МОЛИТВА СВЯТИТЕЛЮ АНТОНИЮ КИЕВСКОМУ

О, пречудне святителю Антоние,теплый наш наставниче и ко Господу добрый предстателю о всех, память твою чтущих и к тебе прибегающих с верою! Призри и ныне милостивым оком на расточенныя овцы стада твоего, яко поистине первоначальник еси Церкви Русския изгнанныя от отечества своего во языки многия. Подаждь же пастырем святыню, иноком благоговение, всем же нам разумения дар, да во истине и смирении укрепится обуреваемая Церковь наша. Наипаче же подаждь нам от елея милосердия и сострадания твоего, да научимся тяготы друг друга носити и не себе угождати, но Богу и ближнему во благое к созданию. Дондеже время купли и делания есть, к тебе прибегаем в милости богатому: подаждь нам от елея твоего, светильницы бо наша угасают, да не с юродивыми девами вменимся в час страшный, но купно с тобою прославим Пострадавшего по нас и Сострадавшего нам Господа Иисуса Христа со Отцем и Святым Духом во веки, аминь.


Дополнительно по данному разделу:
Катакомбный исповедник иерей Григорий Сокрута (+1993 г.)
Святоотеческая мудрость отца Серафима (Роуза)
ПАТРИАРХ ТИХОН
О некоторых важнейших моментах последнего периода жизни и деятельности Святейшего Патриарха Тихона (1923-1925 гг.)
Тайна личности Митрополита Киевского и Галицкого Антония (Храповицкого) и его значение для Православного Славянства
Жизненный путь Блаженнейшего Митрополита Киевского и Галицкого Антония (Храповицкого)
Жизнеописание Блаженнейшего Митрополита Анастасия (Грибановского)
Краткое жизнеописание Митрополита Филарета (Вознесенского), третьего Первоиерарха Русской Зарубежной Церкви
Архиепископ Аверкий и его значение для Вселенской Православной Церкви
Воспоминания о Епископе Викторе (Островидове)


Назад | Начало | Наверх
Главная страница | О задачах издания | Хроника церковной жизни | Проповеди, статьи | История Церкви | О Катакомбной Церкви | Православное богословие | Православное богослужение | Православная педагогика | Православие и наука | Православная культура, литература | Истинное Православие и апостасия | Истинное Православие и сергианство | Истинное Православие и экуменизм | Апостасия РПЦЗ | Расколы, секты | Жития подвижников благочестия | Православная миссия | Пастырское училище | Фотогалерея | Проповеди-аудио

Хроника церковной жизни 
СЕРГИАНСТВО В ДЕЙСТВИИ: В РПСЦ установили литургическое прошение о воинстве неосоветской РФ, «о еже на враги победы и одолении»

Фоторепортаж с Епархиального Собрания Омско-Сибирской Епархии РИПЦ (2013 г.)

К 70-летию провозглашения Сталиным митр. Сергия (Страгородского) первым советским патриархом в МП пытаются «догматизировать» сергианство

Официальное заявление Сербской ИПЦ по поводу нападения на храм СИПЦ под Белградом и избиения иеромонаха Максима

Мониторинг СМИ: Федеральный арбитражный суд отменил решения судов предыдущих инстанций об изъятии у РПАЦ мощей преподобных Евфросинии и Евфимия Суздальских

Нападение на храм Сербской Истинно-Православной Церкви и избиение священника СИПЦ

Рождество Христово в кафедральном соборе св. прав. Иоанна Кронштадтского в Одессе

Все сообщения >>>

О Катакомбной Церкви 
Богоборництво і гоніння на Істинно-Православну (катакомбну) Церкву на Чернігівщині

Памяти катакомбного исповедника Георгия Степановича Чеснокова (1928-2012 гг.)

Катакомбная инокиня Ксения Л.

Церковь Катакомбная на земле Российской

«ТРЕТЬЯ СИЛА» В СОВРЕМЕННОМ ПРАВОСЛАВИИ РУССКОЙ ТРАДИЦИИ. Современная наука начинает замечать ИПЦ, хотя и не выработала общепринятой классификации этой Церкви

Катакомбные Отцы-исповедники об отношении к власти и к советским паспортам

ИСТИННО-ПРАВОСЛАВНЫЕ ОБЩИНЫ В КИЕВЕ в 1930-х годах

Все сообщения >>>


Адрес редакции: E-mail: catacomb@catacomb.org.ua
«Церковные Ведомости» - вне-юрисдикционное православное духовно-просветительское издание, являющееся авторским интернет-проектом. Мнения авторов публикаций могут не совпадать с точкой зрения редакции. Одной из задач издания является освещение различных мнений о современной церковной жизни, существующих среди духовенства и паствы Истинно-Православной Христиан. Редакция оставляет за собой право редактировать или сокращать публикуемые материалы. При перепечатке ссылка на «Церковные Ведомости» обязательна. 

Rambler's Top100 Находится в каталоге Апорт Рейтинг@Mail.ru Каталог BigMax.ru